Traning days At Infosys, Mysore

Infosys Training Center

hostgator coupon code
This poem is not written by me, but I must say it is a very good poem which really explain the life and good memories at Mysore...!!! Enjoy :D


Before U Proceed Below.........

Aap Sab Se Ek Guzaarish(Request) Hai......

As U Go Thru The Below Lines...
Just Try 2 Visualize And Relive Those Beautiful And Lovely Moments Spent With Those Beautiful And Lovely People...


Subah ke 8 baje..Maine khidki se bahar jhaanka to dekha ki....
Rang-Birange Tags(Mangalsutra) gale mein  latkaaye...
Sainkdo(100s) Ki Sankhya mein log Multiplex ki Or badh rahe the...
Aur fir kya tha....Dekhte-hi-Dekhte..Main v Iss Bheed mein Kho Gaya.....


Yahi wo Din tha Yaaron...
Jab Humne Professional Duniya Ki Sar-Zameen pe Apna Kadam Rakha Tha....
Aur..Infosys Mein ...Apne Safar Ki Shuruaat Ki Thi.....



Aaj Wo Sab Kuch Bahut Yaad Aata Hai Doston....
In Yaadon Ke Alawa...Zindagi Me Aur Kya Reh Jaata Hai Doston....



Wo Aalishaan Imaaratein aur kamrey ki Aisho-Aaraam ko Dekh ke...
Mere Dil Ko Laga Ki Shayad..Hume  Janaat Naseeb Ho Gayi...
Magar Ye Soch Ke Hi Ghabraa Jata Tha Dil....
Ki Iss Jannat Mein Rehne ki Keemat....Hume Apni Jee-Tod-Mehnat...
Aur 3 Dariyaaon(Basic,Intermediate & Stream) Ko Paar Karke Chukaani Hogi....


Wo Subah se le ke Raat tak..Un slides Ke Sang Aankh-Micholi Khelna....
Aur Raat Ke 11 Bajte hi...Gaurd ka aana aur Kehna...Time Over Sir.....


Wo Pehli Salary Ki khushi..Aur Unhi Paise ko Shopping mein Udaane Ka Maza....
Wo Movie Ki Tickets Ke liye...Dhup ho ya Baarish...
Multiplex Ke bahar Umbrella le ke Ghanto line mein Khade rehna....


Wo Last Row mein Baithna..Aur Sab ki Monitors pe Nazar rakhna...
Kahin Bubbles Ke Dhamaake ho rahe the....To Kahin CS Ki Dhoom machi hui thi....
Kahin Assignments Ke Baadal mandraa rahe the...
To Kahin Flash Games Ki Baarish mein monitors Bheeg rahe the...


Wo Weekends Ki Mastaani Shaam mein... Golden Grass...Opium.. aur Purple Haze me mehfil jamana....
Aur raat mein Banyan tree Ke Niche..Cigarette Ki Dhuoon Ke Beech...
Yaaron Ke Sang Geeton Ka Gungunana......




Aaj Wo Sab Kuch Bahut Yaad Aata Hai Doston....
In Yaadon Ke Alawa...Zindagi Me Aur Kya Reh Jaata Hai Doston....




Wo Perception mein.. Submit pe Click Ke baad Dil ka Dhadakna....
Aur Class se Baahar aate hi..Kisi ka Hasna ..to..Kisi ka Rona...
Lekin 30 minute baad..usi class mein..fir se.. sab ka ek Saath Hona....
Wo Class ki Mastiyan..Aur..Lectures ke Beech mein hi Sona...


Wo GEC2 ki sidhiyon pe baithe ke..Aankho-hi-Aankho mein Musical Fountain se Baatein Karna...
Wo Hands-On mein.. Ungliyon ka Keyboard Ki Floor pe Dance Karna....
Aur Baahar aate hi DEVSQUARE  ki  Maa-Behen Ek Karna...


Wo Food Courts mein.. Ghanto Baith Ke Doston ke Saath Gappey Ladana...
Aur 12 bajte hi..Doston ki Birtdays ko apne hi Andaaz mein celebrate karna...
Cake se Holi Khelna aur fir mann Chahe pose mein photo khichwana...
Aur Aadhi Raat hote hi Kapdon se bhari bag Le Ke Laundromat Jana...


Wo 2 April Ki Raat ko..India Ki Jeet Ka Jashn Manana...
Aur Poore Campus mein Ghum-Ghum Ke Excitement mein Chillana...
Wo Saare Tensions ko Pichhe Chhod ke..Khule Aasmaan Ke Niche....
Amphitheatre ki sidhiyon pe...DJ Nite mein..Dil Khol Ke Naachna...
Aur fir Poori Raat.. Night Lab mein..neend se Luka-chhuppi khelte hue slides ko padhna...



Wo Toniff Ke Golgappe..Juneja Ki Lassi...Aur Jai Mata Di ke Parathe....
Wo Magna ka Dilli Darbar...Aur Maitri Ke Kabaab....
Wo Oasis Ke Momos...Aur...Polar Bear Ki DBC(Death By Chocolate)...




Aaj Wo Sab Kuch Bahut Yaad Aata Hai Doston....
In Yaadon Ke Alawa...Zindagi Me Aur Kya Reh Jaata Hai Doston....




Dekhte hi Dekhte..Wo 5 Mahine 10 Din.. Kab Aur Kaise Nikal Gaye ...Pata hi Nahi Chala...
Aur Fir Aa gayi Hamari Postings....Koi Pune ..tho..Koi  Bangalore...
Koi Hyderabad..tho ..Koi Mangalore...
Koi Chandigarh...tho...Koi Trivandrum....tho....Koi Bhubaneswar....
Aur Baaki Jitne Bache...Wo saare Log Chennai....


In Khatti-Meethi Yadoon Ko Apne Daaman mein Samet kar...jab hum apni-apni Manzil ki Or Badhe...
Tho Na Jane Kyun.... Black Tag ko Paane ki Khushi thi Ya fir Doston se Juda hone Ka Gam....
Magar ye Aansu hi the ...jo rukne ka naam hi nahi le rahi thi....


Aaj Hamari screens... Codes Aur Software tools se bhari padi hai....
Aur Zindagi tho maano Jaise..Kaam ke Bojh tale dab ke reh gayi hai....


Aaj..Mysore mein beetaye har pal ko yaad karta hun..tho ye ehsaas hota hai ki...
Un Rangeen Tags ke Beech..Hamari Zindagi Bhi Kitni Rangeen Thi....
Iss Black Tag ko Paane Ki Chahat mein ...Humne Kitna Kuch Kho Diya...





Aaj Wo Sab Kuch Bahut Yaad Aata Hai Doston....
In Yaadon Ke Alawa...Zindagi Me Aur Kya Reh Jaata Hai Doston....
Kisi Ke Hothon pe Muskaan..Tho..Kisi Ke Aankho Ko Nam Kar Jaati Hai...
Magar Ye Yaadein Hi Tho Hai...Jo Aaj Bhi Aapke Saath Hone Ka Ehsaas Dilati Hai...







Dedicated To All My Loving Friends And Everyone Out There


Miss Mysore Days.....

Miss Those Awesome People Who Created Those Days As Sweet Memories Today.....

A view of Infosys

Night@Infosys,Mysore